Երևան քաղաքի Աջափնյակ և Դավթաշեն վարչական շրջանների ընդհանուր իրավասության դատարանը դատավոր Նաիրա Ավետիսյանի նախագահությամբ սեպտեմբերի 27-ին քննեց Փաստաբանների պալատի անդամ, փաստաբան Տիգրան Աթանեսյանի հայցն ընդդեմ ՀՀ փաստաբանների պալատի։
Տիգրան Աթանեսյանը բողոքարկում է իր արտոնագրի գործողությունը կասեցնելու վերաբերյալ 2018 թվականի օգոստոսի 11-ին ՀՀ փաստաբանների պալատի խորհրդի կայացրած որոշումը, ըստ որի՝ Տիգրան Աթանեսյանը մեղավոր է ճանաչվել «Փաստաբանության մասին» ՀՀ օրենքի 19-րդ հոդվածի 2-րդ կետի և Փաստաբանի վարքագծի կանոնակարգի 2.2.3 ենթակետի խախտումների համար, իսկ որպես կարգապահական տույժ դադարեցվել է փաստաբանի (թիվ 78) արտոնագրի գործողությունը:
Հիշեցնենք, որ փաստաբան Տիգրան Աթանեսյանի նկատմամբ կարգապահական վարույթը հարուցվել էր հրապարակային հարթակներում փաստաբանի կողմից վիրավորական գրառումներ (արտահայտություններ) և հայհոյանքներ կատարելու, ինչպես նաև կատարված հայհոյանքները և վիրավորական գրառումները կամ արտահայտություններն արդարացնելու և հրապարակային հարթակում նույն վարքագիծը շարունակելու վարքագիծը ստուգելու նպատակով:
Հոկտեմբերի 16-ին կկայանա հաջորդ դատական նիստը, որի ժամանակ կհրապարակվի դատական ակտը։
Կարդացեք նաև
Մարիամ ԱՎԱՆԵՍՅԱՆ
