Փոխգնդապետ Արա Մխիթարյանի վիճակը մնում է ծայրահեղ ծանր:
Լրագրողների հետ զրույցում այսօր կառավարության նիստից հետո, ասաց առողջապահության նախարար Արսեն Թորոսյանը:
Հիշեցնենք, որ սպային ծեծի էր ենթարկել Վայոց Ձորի մարզպետի օգնականը: Պարոն Թորոսյանն ասաց, որ բժիշկներն ամեն ինչ անում են, որպեսզի նրա վիճակը բարելավի։
Մանրամասները՝ տեսանյութում
Կարդացեք նաև
Արսեն Թորոսյանից հետաքրքրվեցին նաեւ կալանքի տակ գտնվող գեներալ Մանվել Գրիգորյանի առողջությամբ:
«Նրա կյանքին վտանգ չի սպառնում»,-ասաց Թորոսյանը՝ նշելով, որ Մանվել Գրիգորյանը գտնվում է բժիշկների ամենօրյա հսկողության տակ. «Մասնակցում ենք բազմաթիվ փորձաքննությունների իրականացմանը։ Երկրորդը՝ քրեակատարողական հիմնարկից քաղաքացիական հիվանդանոց տեղափոխվելուց հետո նա մշտական հսկողության տակ է գտնվում թե՜ կոնկրետ բուժհիմնարկի, թե՜ իր կողմից նախընտրած բժիշկների կողմից։ Նաեւ արտասահմանից բժիշկներ կան ներգրավված, որոնք անհրաժեշտության դեպքում խորհուրդներ են տալիս:
Նախարարն ասաց, որ Մանվել Գրիգորյանի վիճակը գնահատում են կայուն, անհանգստանալու կարիք չկա. «Ուզում եմ միանգամից պատասխանել մեղադրանքներին, երբ ասում են, որ սպանում են։ Չկա նման բան։ Մահվան սպառնալիք չկա, կան խրոնիկական բազմաթիվ հիվանդություններ, ինչպես մեր շատ քաղաքացիների մոտ, որոնք իրենց բուժումը ստանում են ստացիոնար կամ տնային պայմաններում»:
Լուսինե ԲՈՒԴԱՂՅԱՆ
