«Հայաստանի քաղաքական համակարգը հիվանդ չէ»,-ի պատասխան լրագրողներից մեկի հարցին, այսօր ասաց Առողջապահության նախարար Արսեն Թորոսյանը. «Հիվանդագին դրսեւորում չեմ տեսնում ես, հակառակը, պրոցեսները, որոնք տեղի են ունենում, տանում են քաղաքական մթնոլորտի, կուսակցությունների առողջացմանը, մարդ-կուսակցությունների աստիճանական վերացմանը»։
Նրա խոսքով՝ առողջ գործընթաց են նաեւ պաշտոնանկությունները։ Նախարարի կարծիքով, հատկապես՝ հետհեղափոխական շրջանում հրաժարականներն ավելի շատ պետք է լինեին, քան եղել են. « Եթե ժամանակին կարող էինք տեսնել հրաժարականներ, որոնց մասին չէին խոսում, հիմա աստիճանաբար սկսում են խոսել, վերլուծություններ են արվում, կարծիքներ են հայտնում, ոչ թե պարզապես լուռ հետեւում են գործընթացներին»,- նշեց նա։
Լուսինե ԲՈՒԴԱՂՅԱՆ
