Ինչո՞ւ տարիուկես է՝ կոռուպցիայի մեջ մեղադրվող նախկին պաշտոնյաները չեն ձերբակալվում, դրամները չեն վերադարձնում կամ եթե վերադարձնում են՝ շատ քիչ մարդիկ: Երեկ Նյու-Յորքում հայերի հետ հանդիպման ժամանակ ներկաներից մեկն այսպիսի հարց ուղղեց վարչապետ Նիկոլ Փաշինյանին:
«Բնապահպանության նախկին նախարար Արամ Հարությունյանը, որը մեղադրվում է խոշոր չափերի կաշառքի համար, օգտվելով պատգամավորական իր կարգավիճակից, օգտվելով նրանից, որ առաջին անգամ ՀՀԿ-ն չքվեարկեց նրա ձերբակալման օգտին, Հայաստանի հանրապետությունից թողեց՝ հեռացավ: Միհրան Պողոսյանը, որի հետ կապված չարաշահումների քրեական գործ է հարուցված, Հայաստանի հանրապետությունից փախած է եւ գտնվում է հետախուզման մեջ: Սերժ Սարգսյանի եղբայրը՝ Լեւոն Սարգսյանը, ում մեղադրանք է առաջադրվել Հյուսիս-Հարավի գործով, էլի փախած է Հայաստանից, գտնվում է հետախուզման մեջ: Մանվել Գրիգորյանը բանտում է, Գագիկ Խաչատրյանը բանտում է, Ռոբերտ Քոչարյանը բանտում է»,-ի պատասխան ասաց Փաշինյանը: Վարչապետի խոսքին ի պատասխան՝ սփյուռքահայերը բուռն ծափահարեցին:
Նիկոլ Փաշինյանը, շարունակելով նույն հարցի պատասխանն ասաց, որ ինքն էլ բավարարված չէ կոռուպցիայի դեմ պայքարի ծավալներից, եւ իրավապահ համակարգում վերջերս տեղի ունեցած «շոշափելի եւ արմատական կադրային փոփոխությունները» հենց դրանով էլ պայմանավորված էին:
Փաշինյանը որոշ ակնարկներ արեց՝ ասելով, որ իրավապահ համակարգում միտում է նկատել, որ ինչ-որ գործով մեկ-երկու ամիս անցնում է, ասում են՝ «Լավ մի քիչ սրա հետ համաձայնենք, մի քիչ նրա հետ համաձայնենք»:
Կարդացեք նաև
Լուսինե ԲՈՒԴԱՂՅԱՆ
