Ֆրանսիան՝ որպես ԵԱՀԿ Մինսկի խմբի համանախագահ երկիր, ցանկանում է արցախյան հակամարտության խաղաղ կարգավորում և մտադիր է ակտիվանալ այս ոլորտում: Ինչպես հաղորդում է Interfax գործակալության ադրբեջանական ծառայությունը, այս մասին հայտարարել է Բաքվում Ֆրանսիայի նոր դեսպան Զաքարի Գրոսը` Ադրբեջանի նախագահ Իլհամ Ալիևի հետ հանդիպմանը:
«Բնականաբար, Ֆրանսիան՝ որպես ԵԱՀԿ Մինսկի խմբի համանախագահ երկիր, ցանկանում է հակամարտության խաղաղ կարգավորում՝ ձեր երկրի տարածքային ամբողջականության շրջանակներում և մտադիր է ակտիվանալ այս ոլորտում»,-գործակալության փոխանցմամբ ասել է դիվանագետը:
Նա նաև նշել է, որ Ադրբեջանի և Հարավային Կովկասի անվտանգությունը կարևոր է Եվրոպայի անվտանգության համար, ուստի Ֆրանսիայի նախագահ Էմանուել Մակրոնը ջանք չի խնայում՝ Իրանի հարցում լարվածությունը վերացնելու համար:
Ալիևն իր հերթին նշել է, որ Ադրբեջանը և Ֆրանսիան համագործակցում են արցախյան հակամարտության կարգավորման շուրջ և գիտեն՝ որ փուլում են գտնվում բանակցությունները:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
