«Հարց է առաջանում, եթե ԵՊՀ 100-ամյակի խնջույքը պլանավորված էր, որ պետք է տեղի ունենա «Ռենեսանսում»` 10000-12000 դրամ մեկ հոգու համար հաշվարկով, ինչու է այժմ դա տեղափոխվել է «Ֆլորենս»` մեկ հոգու համար 40000 դրամով: Արդյոք սա պայմանավորված է նրանով, որ ԵՊՀ հոգաբարձուների խորհրդի նախագահ Գեւորգ Մուրադյանը Կարեն Կարապետյանի նախկին խորհրդականն է: Բոլորին հայտնի է` այս սուղ պայմաններում մեկ հոգու համար 40000 դրամ ծախսելն անտրամաբանական է, հատկապես, որ բոլորը գիտեն, որ «Ֆլորենսը» պատկանում է Կարեն Կարապետյանին»,- ԵՊՀ խորհրդի նիստից հետո լրագրողների հետ զրույցում ասաց ԵՊՀ ուսխորհրդի նախագահ Դավիթ Ափոյանը:
Նա անդրադարձավ նաեւ ԵՊՀ-ում քավոր-սանիկական կապերին, որի մասին հրապարակումներ են եղել մամուլում:
Նա եւ ուսանողական խորհրդի այլ անդամներ նշում էին, որ իրենք ամեն ինչ արել են, որ ԵՊՀ 100-ամյակի նշումը հավուր պատշաճի կազմակերպվի: Ի թիվս այլնի, դժգոհություններ հնչեցին, որ ռեկտորի պաշտոնակատար Գեղամ Գևորգյանը «Հյուր սերվիսի» հետ կապ ունի եւ հյուրերի ընդունումը հենց այդ կազմակերպության հետ է իրականացնելու, ստացվում է` ինքն ուղիղ իր հետ է աշխատելու:
ԵՊՀ ռեկտորի պաշտոնակատար Գեղամ Գևորգյանից լրագրողները հնարավորություն չունեցան իրեն ուղղված մեղադրանքների վերաբերյալ մեկնաբանություններ ստանալ, նրա գործավարուհին ասաց, որ Գեւորգյանը զբաղված է եւ լրագրողներին չի կարող ընդունել:
Կարդացեք նաև
Գոհար ՀԱԿՈԲՅԱՆ
