Մեծ Բրիտանիայի Գերագույն դատարանը պատմական վճիռ է կայացրել. վարչապետ Բորիս Ջոնսոնը փաստացիորեն մեղավոր է ճանաչվել իշխանությունը չարաշահելու համար: Ինչպես հաղորդում է BBC-ն, դատական կոլեգիայի կարծիքով՝ վարչապետը 5 շաբաթով ապօրինի դադարեցրել է խորհրդարանի աշխատանքը:
Գերագույն դատարանը՝ Մեծ Բրիտանիայի սահմանադրական դատարանը վճռել է, որ խորհրդարանի աշխատանքը 5 շաբաթով դադարեցնելու վարչապետ Բորիս Ջոնսոնի որոշումն անօրինական է և պետք է չեղարկվի: Վճռի համաձայն՝ վարչապետի որոշումը խոչընդոտել է խորհրդարանին իրականացնելու իր սահմանադրական գործառույթները:
BBC-ի փոխանցմամբ՝ այս վճռից հետո Ջոնսոնի հակառակորդները՝ ինչպես կուսակիցները, այնպես էլ ընդդիմադիր կուսակցությունները, կպահանջեն նրա հրաժարականը: Բորիս Ջոնսոնը, որը հիմա գտնվում է Նյու Յորքում ՄԱԿ Գլխավոր ասամբլեայի նստաշրջանին, պատասխանելով լրագրողների հարցին՝ արդյոք հրաժարական կներկայացնի դատարանում պարտություն կրելուց հետո, պատասխանել է, որ ուշադիր կուսումնասիրի դատավճիռը:
Հիշեցնենք, որ Մեծ Բրիտանիայի խորհրդարանը պաշտոնապես դադարեցրել էր աշխատանքը սեպտեմբերի 9-ից:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
Հավանական է Բորիս Ջոնսոնը ձեռնամուխ կլինի Սահմանական Դատարանի նախագահի պաշտոնից հեռացմանը՝ինչպես է համարձակվել?….