«Արմավիր» քրեակատարողական հիմնարկի կառուցման գործընթացում առերևույթ հանցագործության հատկանիշներ պարունակող տվյալների բացահայտման դեպքով հարուցված քրեական գործով նախկին ոստիկանապետ, նախնական տվյալներով, երեկ ինքնասպանություն գործած նախկին ոստիկանապետ Հայկ Հարությունյանը կարգավիճակ դեռ չուներ: Այս մասին Aravot.am-ին հայտնեցին գլխավոր դատախազությունից:
Քրեական գործի հարուցման համար հիմք են հանդիսացել ՀՀ արդարադատության նախարարությունից ստացված՝ 2007-2015թթ, ընթացքում ՀՀ ԱՆ «Արմավիր» քրեակատարողական հիմնարկի կառուցման շինարարական աշխատանքների վերաբերյալ կազմված փաստաթղթերի ուսումնասիրությունները:
Հիշեցնենք, որ 2010 թ. մայիսի 28-ին ՀՀ Նախագահի հրամանագրով՝ Հայկ Հարությունյանը նշանակվել է Հայաստանի արդարադատության նախարարության քրեակատարողական հիմնարկների վարչության պետ, 2014 թ. սեպտեմբերի 3-ին ՀՀ Նախագահի հրամանագրով ազատվել է Հայաստանի արդարադատության նախարարության քրեակատարողական հիմնարկների վարչության պետի պաշտոնից՝ իր դիմումի համաձայն:
Գոռ Աբրահամյան
«Գործը նոր է հարուցվել դատախազության կողմից, ՀՔԾ-ում նոր վարույթ են ընդունել, առայժմ վաղ է խոսել այդ գործով քրեական հետապնդման, որևէ անձի դատավարական կարգավիճակ ունենալ-չունենալու, կոնկրետ պաշտոնատար անձանց հնարավոր մասնակցության և դրա հետ կապված քրեաիրավական գնահատականների մասին: Այդ ամենը քրեական գործով պարզվելիք հանգամանքներ են»,- Aravot.am-ին ասաց ՀՀ գլխավոր դատախազի խորհրդական Գոռ Աբրահամյանը:
Կարդացեք նաև
Արփինե ՍԻՄՈՆՅԱՆ
