Ադրբեջանցի զինծառայող Աբդուլռահմանով Ռամին Շյովքեթ օղլուի դին դուրս է բերվել միջդիրքային տարածքից: Այս մասին հաղորդում են ադրբեջանական լրատվամիջոցները՝ վկայակոչելով Կարմի Խաչի Միջազգային Կոմիտեի ադրբեջանական ներկայացուցչության հանրային կապերի ղեկավարին:
Նրա խոսքով՝ Կարմիր խաչի միջնորդությամբ բանակցություններ են տեղի ունեցել կողմերի միջև, որոնց արդյունքում զինծառայողի դին դուրս է բերվել շփման գծից:
Հիշեցնենք, որ սեպտեմբերի 22-ին՝ ժամը 16:15-ի սահմաններում, արցախա-ադրբեջանական հակամարտ զորքերի շփման գծի հարավ-արևելյան հատվածում տեղակայված մարտական դիրքերից մեկի ուղղությամբ հակառակորդը ձեռնարկել է դիվերսիոն ներթափանցման փորձ: Ձախողված դիվերսիայի ընթացքում սպանվել է ադրբեջանցի զինծառայող Աբդուլռահմանով Ռամին Շյովքեթ օղլուն:
Պատրաստեց՝ Վիկտորյա ԱՆԴՐԵԱՍՅԱՆԸ
