«Այդ հայտարարության մեջ կարեւոր ուղերձ կա այն մասին, որ ՀՀ-ն պետություն է, եւ հարցի ուսումնասիրության համար պետք է գնահատել բոլոր ռիսկերը եւ հնարավորությունները»,-Aravot.am-ի հետ զրույցում անդրադառնալով վարչապետ Նիկոլ Փաշինյանի՝ «միայն այն պատճառով, որ ճնշում են կառավարությանը, մենք դա չենք պատրաստվում փակել» Ամուլսարի վերաբերյալ հայտարարությանը, ասաց «Իմ քայլը» խմբակցության պատգամավոր, տնտեսագետ Արտակ Մանուկյանը:
Հարցին՝ թե ո՞վ է ճնշում կառավարությանը, Արտակ Մանուկյանը պատասխանեց. «Փողոցներ փակելը եւս որոշակիորեն ճնշում է»: Մեր դիտարկմանն ի պատասխան, որ ՀՀ-ում իշխանափոխությունը տեղի ունեցավ այդ թվում փողոցներ փակելով, Արտակ Մանուկյանը նշեց. «Կարեւոր է ժողովրդի ձայնը լսելի դարձնելը եւ դրա հիման վրա տեղեկացված որոշում կայացնելը: Վարչապետն ուզում է ասել, որ տեղյակ է ժողովրդի մտահոգության, ինչպես նաեւ՝ հանքի շահագործման հնարավոր ազդեցությունների մասին»:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
