Aravot.am-ի հետ զրույցում Անի խոշորացված համայնքի ղեկավար Արտակ Գևորգյանն ասաց, որ անհիմն է համարում իրեն ներկայացված մեղադրանքը և այն գնահատում է քաղաքական:
Հիշեցնենք՝ Արտակ Գևորգյանի նկատմամբ մեղադրանք է առաջադրվել ՀՀ Քրեական օրենսգրքի 179 հոդվածի 2-րդ մասի 1-ին և 3-րդ կետերով, ինչպես նաև 314 հոդվածի 1-ին մասով։ Նա մեղադրվում է պաշտոնական դիրքն օգտագործելով՝ խոշոր չափերի գումար վատման եղանակով հափշտակելու, ինչպես նաև պաշտոնեական կեղծիք կատարելու մեջ։
Մեր հարցին՝ նոր հանգամանքներ առա՞ջ են եկել և կոնկրետ ինչո՞ւմ են իրեն մեղադրում, Արտակ Գևորգյանը կարճ պատասխանեց՝ ես էլ չգիտեմ ու հորդորեց կապ հաստատել իր փաստաբանի՝ Արամայիս Հայրապետյանի հետ: Համայնքի ղեկավարը մեզ հայտնեց, որ ընդամենը երեկ է տեղեկացել մեղադրանքի մասին:
Արտակ Գևորգյանի փաստաբանի Արամայիս Հայրապետյանի հետ հարցազրույցը և այլ մանրամասներ գործի հետ կապված կարդացեք վաղվա տպագիր «Առավոտում»:
Կարդացեք նաև
Տաթև ՀԱՐՈՒԹՅՈՒՆՅԱՆ
