Մոսկվայի Տուշինսկի շրջանային դատարանը «Արմենիա խանութ-սրճարանի» հայցի վերաբերյալ լսումների օր է նշանակել: Հայցվորը պահանջում է 551 847 ռուբլի գումարի չափով փոխհատուցում՝ հուլիսի վերջին Մոսկվայի կենտրոնում բողոքի ցույցերի կազմակերպիչներից կրած վնասի համար:
Ինչպես հաղորդում է TASS գործակալությունը՝ վկայակոչելով դատարանի հայտարարությունը՝ դատական նիստը նշանակված է հոկտեմբերի 2-ին: Որպես պատասխանող կողմ ներգրավված են ընդդիմադիր գործիչ, բլոգեր Ալեքսեյ Նավալնին և Մոսկվայի քաղաքային դումայի ընտրություններին չգրանցված 5 թեկնածու:
«Արմենիա»-ն հայտնվել էր սկանդալի կենտրոնում այն բանից հետո, երբ սեփականատերերը հայց էին ներկայացրել «հանուն արդար ընտրությունների» չհամաձայնեցված ցույցի կազմակերպիչների դեմ, որն անցկացվել էր հաստատության անմիջական հարևանությամբ հուլիսի 27-ին: Ցույցի պատճառով հաստատությունը այդ օրը չի գործել: Գործարարներն ցույցի կազմակերպիչներից պահանջում են ավելի քան 550 հազար ռուբլի փոխհատուցում:
