Թաիլանդում մեկնարկել է ծանրամարտի աշխարհի առաջնությունը, որին ըստ Ծանրամարտի միջազգային ֆեդերացիայի կայքի, մասնակցում են ռեկորդային թվով երկրներ՝ 100 եւ ծանրորդներ՝ 606: Արդեն հայտնի են դարձել առաջին չեմպիոններն ու մեդալակիրները:
Հայաստանի հավաքականը աշխարհի առաջնությանը մասնակցելու է ինը ծանրորդով. երկու կին. 59 կգ`Իզաբելլա Յայլյան, 81 կգ՝ Տաթեւ Հակոբյան եւ յոթ տղամարդ. 81 կգ՝ Անդրանիկ Կարապետյան, 89 կգ՝ Հակոբ Մկրտչյան եւ Դավիթ Հովհաննիսյան, 102 կգ՝ Սամվել Գասպարյան, 109 կգ՝ Սիմոն Մարտիրոսյան, +109 կգ՝ Ռուբեն Ալեքսանյան եւ Գոռ Մինասյան:
Մեր ծանրորդներից առաջինը պայքարը կսկսի Իզաբելլա Յայլյանը, որը հանդես կգա կանանց 59 կգ քաշայինների «B» խմբում:
Աշոտ ՀԱԿՈԲՅԱՆ
