«Վենետիկի հանձնաժողովի հետ թեժ քննարկում ենք ունեցել»,-այսօր այս մասին Աջափնյակի նստավայրում Երեւան քաղաքի առաջին ատյանի ընդհանուր իրավասության դատարանի դատավորների հետ հանդիպման ժամանակ ասաց Բարձրագույն դատական խորհրդի նախագահ Ռուբեն Վարդազարյանը: Նրա խոսքով, ԲԴԽ-ն հանդիպել է Վենետիկի հանձնաժողովի հետ եւ մոտ երկու ժամ քննարկում է տեղի ունեցել։ «Մենք բոլորս հայտնել ենք ԲԴԽ-ի դիրքորոշումը։ Որոշ հարցերով հենց ԲԴԽ-ի ներսում ենք ունեցել տարաձայնություններ։
Հանձնաժողովին ներկայացրել ենք մեր անձնական կարծիքները»,-ասաց Ռուբեն Վարդազարյանը։Նրա խոսքով, բոլոր դատավորների կարծիքները, որոնք չեն ընդունվել ԲԴԽ-ի կողմից, դրանք պատճենահանվել եւ նույնպես ներկայացվել են կառավարությանը, եւ Վենետիկի հանձնաժողովին. «ԲԴԽ-ում չկա որեւէ փաստաթուղթ, որը չի առաքվել կառավարությանը»,-նշեց նա։
ԲԴԽ-ի նախագահն ասաց, որ ԱԺ պետաիրավական հանձնաժողովի հետ պայմանավորվածություն ունեն, որ բոլոր նիստերին անկախ նրանից այն կվերաբերի ԲԴԽ-ին, թե ոչ՝ իրենց ներկայացուցիչը կմասնակցի։
Իսկ, եթե քննարկվող հարցերն առնչվեն դատական իշխանությանը, ապա ԲԴԽ-ի անդամները կարող են «տասը հոգով ներկայանալ եւ պնդել մեր դիրքորոշումը»։
Կարդացեք նաև
Լուսինե ԲՈՒԴԱՂՅԱՆ
