Այսօր Բարձրագույն դատական խորհրդի նախագահ Ռուբեն Վարդազարյանը ներկայացրեց Երեւան քաղաքի առաջին ատյանի ընդհանուր իրավասության դատարանի նորանշանակ նախագահին՝ Արթուր Մկրտչյանին: Հանդիպումը տեղի ունեցավ Աջափնյակի նստավայրում Երեւան քաղաքի առաջին ատյանի ընդհանուր իրավասության դատարանի դատավորների հետ:
«Արթուր Մկրտչյանը երկարամյա փորձ ունի դատական համակարգում եւ ոչ միայն։ Վստահ եմ, որ Արթուր Մկրտչյանը արժանացել էր ձեր բոլորի վստահությանը եւ նրան հարգում եւ սիրում եք որպես գործընկեր։ ԲԴԽ-ն էլ իր հերթին հայտնում է, որ ամեն հնարավորը կանի, որ կարողանա օգնել, աջակցել, որ նա կարողանա ճիշտ եւ որակյալ աշխատել։ ԲԴԽ–ն ցանկացած պրոբլեմի դեպքում պատրաստ է կանգնել դատավորի թիկունքին»,-ասաց ԲԴԽ նախագահը։
Դատավորների հետ հանդիպումը կազմակերպվել էր դատական իշխանության առաջնահերթ խնդիրները, ոլորտային մի շարք այլ հարցեր քննարկելու համար:
Լուսինե ԲՈՒԴԱՂՅԱՆ
