ԲՈԿ նախագահ Սմբատ Գոգյանը «Արմենպրեսի» մամուլի սրահում ասաց, որ իրենց կանոնադրությամբ եւ օրենքով սահմանված չէ նախկինում պաշտպանված ատենախոսությունները վերանայելը, իրավական, գիտական կամ քաղաքական գնահատական տալը:
Ինչ վերաբերում է Ռոբերտ Քոչարյանին ազատ արձակած դատավորի Ալեքսանդր Ազարյանի ատենախոսության վերաբերյալ վերապահումներին եւ ԱԺ-ում քննարկումներին, Սմբատ Գոգյանն ասաց, որ դատավորի ատենախոսության մեջ գրագողության վերաբերյալ տեղեկատվությունը եւս ստացվել է դրսից, ու ԲՈԿ-ն ինքն իրենով չի նախաձեռնել այն քննելը:
«Ես լրիվ դրական եմ համարում, որ երբ մարդը հանրային պրոցեսի մեջ է գտնվում, նրա անցյալն ուսումնասիրվում է: Ես էլ, որ դարձա ԲՈԿ նախագահ, իմ անցյալն ուսումնասիրեցին, 1000 ու մի մեկնաբանություն արեցին, բայց արդյունքում ճիշտը հաղթեց»,-ասաց ԲՈԿ նախագահը:
Հավելեց, որ ցանկացած ատենախոսության էլեկտրոնային տարբերակն առկա է, եւ ցանկացած ոք կարող է ծանոթանալ դրանց, այդպես եղել է նաեւ Ալեքսանդր Ազարյանի ատենախոսության պարագայում, հետո ԶԼՄ-ներից են եկել հետաքրքրվել:
Կարդացեք նաև
Սմբատ Գոգյանն ասաց նաեւ, որ ինքը գիտի մեծ թվով գիտական վատ անցյալ ունեցողների, այդ թվում նախկին իշխանությունների ներկայացուցիչների, սակայն չի պատրաստվում անուններ հրապարակել. «Դա կոմպրոմատի թեմա է, բայց նաեւ մաքրման միակ ճանապարհն է»:
Գոհար ՀԱԿՈԲՅԱՆ
