Երևանի ընդհանուր իրավասության դատարանի Կենտրոն-Նորք-Մարաշ նստավայրում ԵԿՄ վարչության նախկին նախագահ Մանվել Գրիգորյանի գործով դատական նիստին Մանվել Գրիգորյանի պաշտպան Լևոն Բաղդասարյանը գրավոր միջնորդություն ներկայացրեց Մանվել Գրիգորյանին կալանքից ազատելու համար:
Նա նշեց. «Միջնորդություն եմ ներկայացրել՝ հաշվի առնելով Մանվել Գրիգորյանի հիվանդությունների բացասական, ակնհայտ զարգացող դինամիկան. իսկ կալանքը խոչընդոտում է ինտենսիվ բուժմանը»:
Նշենք, որ տուժողի իրավահաջորդ ճանաչված Հայկ Թորոսյանը նիստի ընթացքում պնդեց, որ Մանվել Գրիգորյանն իրենցից խլել է բենզալցակայան, պահանջում է, որ Բաղրամյան-Սպանդարյան փողոցների խաչմերուկում գտնվող բենզալցակայանը վերադարձվի իրեն:
Նիստն ընդմիջվեց: Դատարանը Մանվել Գրիգորյանին կալանքից ազատելու միջնորդության մասին որոշումը կհրապարակի սեպտեմբերի 17-ին՝ ժամը 15.00-ին:
Կարդացեք նաև
Տաթև ՀԱՐՈՒԹՅՈՒՆՅԱՆ
