«Ներիշխանական որոշակի պրոցեսներ են: Քաղաքական կամ այլ գնահատական տալու համար պետք է բացված լինեն այն հայտարարությունները, որոնք հնչում են այս երկու օրը։ Առայժմ հայտարարությունների բուն իմաստը բացված չէ, մի քիչ դժվար է տալ գնահատական, քանի որ ներիշխանական գործընթացներ են։ Իհարկե, մենք կարող ենք ենթատեքստեր փնտրել, բայց կարծում եմ, որ պետք է մի քիչ հստակություն լինի ու նոր հնչի գնահատական: Ակնհայտ երեւում է, որ որոշակի խմորումներ են եղել»,- այսօր խորհրդարանական ճեպազրույցների ժամանակ ասաց ԲՀԿ խմբակցության քարտուղար Արման Աբովյանն`անդրադառնալով ԱԱԾ պետ Արթուր Վանեցյանի հրաժարականին:
Հնչող ակնարկների վրա դատողություն անելը սխալ է համարում նաեւ խմբակցության պատգամավոր Իվետա Տոնոյանը։ Բայց պատգամավորին զարմացնում է այն, որ հասարակության մեջ դրսևորվեց ցայտուն առճակատում. «Մինչև երեկ հեղափոխական շրջանի ազդեցիկ դեմքերից էր Արթուր Վանեցյանը, որին գովերգում էին, հիմա քննադատության թիրախ է, որն արժանանում է բուռն քննադատությունների»:
ԲՀԿ-ական պատգամավորները հույս ունեն, ԱԱԾ տնօրեն Արթուր Վանեցյանը հստակ կասի, թե ինչ էր ակնարկում հրաժարականի իր տեքստում։ Հույս ունեն, որ դա կանի նաեւ իշխանությունը:
Այլ մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
