«Շատ իրավաբաններ պնդում են, որ ՍԴ այդ որոշումն ապօրինի է: Ես սկզբից զգույշ էի մոտենում հարցին, բայց ՍԴ երկու անդամների կարծիքը խոսում է այն մասին, որ ՍԴ-ն ապօրինի որոշում է կայացրել»,-լրագրողների հետ հանդիպմանն այսօր անդրադառնալով Ռոբերտ Քոչարյանի գործով ՀՀ Սահմանադրական դատարանի որոշմանը, ասաց վարչապետ Նիկոլ Փաշինյանը:
Հիշեցնենք, որ ըստ ՍԴ որոշման՝ Քրեական դատավարության օրենսգրքի 35-րդ հոդվածը Սահմանադրության ուժով, հատուկ պաշտպանությամբ օժտված պաշտոնատար անձանց գործառութային անձեռնմխելիությունը քրեական գործի վարույթը կամ քրեական հետապնդումը բացառող հանգամանքների թվին չնախատեսելու մասով ճանաչվել է Սահմանադրության 4 հոդվածներին հակասող և անվավեր։
Փաշինյանը նշեց. «Թե ինչու է ՍԴ-ն այդ որոշումը կայացրել, պարզ է: Գիտեք, թե ով է ՍԴ նախագահը, թե ինչպես է նա դարձել ՍԴ նախագահ, ում միջոցով ու ում համար: Իսկ այդ երկու դատավորներից երկուսը Մարտի 1–ի հետ ուղիղ կապ ունեն և ինքնաբացարկ չեն հայտնել»:
Լուիզա ՍՈՒՔԻԱՍՅԱՆ
