«Կան տնակներ, որոնք դատարկ են: Մեծ թվի մասին է խոսքը: Որոշների պարագայում մարդիկ ստացել են բնակարան, հետո վաճառել եւ վերադարձել տնակներ: Ոմանց հանդեպ էլ պետության պարտավորություն պետք է արձանագրվեր, բայց չի արձանագրվել»,-լրագրողների հետ հանդիպմանն այսօր անդրադառնալով Գյումրիի տնակային ավանների խնդրին, ասաց վարչապետ Նիկոլ Փաշինյանը:
«Գյումրին պետք է տնակներից ազատել: Դա խոչընդոտում է քաղաքի տնտեսական զարգացմանը, բայց ոմանք Գյումրիում տնակի մեջ են նախընտրում ապրել, բայց հարեւան գյուղում տուն ունեն»,-արձանագրեց նա:
Փաշինյանի խոսքով՝ տնակում ապրելու փաստը չի ենթադրում, որ պետությունն այդ մարդու հանդեպ ունի պարտավորություն, եւ կառավարությունը դեռ անելիք ունի՝ հասկանալու, թե տնակներում ապրողների որ հատվածի առնչությամբ ունի պարտավորություն:
«Կոպիտ օրինակ բերեմ, որն անձնավորված չէ: Մարդը խաղատանը պարտվել է տունն ու ունեցվածքը: Դա չի նշանակում, թե պետությունը պարտավոր է նրան բնակարանով ապահովել»,-եզրափակեց Նիկոլ Փաշինյանը:
Կարդացեք նաև
Լուիզա ՍՈՒՔԻԱՍՅԱՆ
