«Մանվել Գրիգորյանի գործով տեղի է ունենում ընտրովի արդարադատություն»,- այսօրվա մամուլի ասուլիսում հայտարարեց Գրիգորյանի փաստաբան Լևոն Բաղդասարյանը։
Վերջինիս խոսքով` պաշտպանական կողմը իր հիմնական գործառույթը իրականացնելու փոխարեն շաբաթը մեկ ասուլիս է տալիս, որ հայտնի իրավունքի խախտման մասին, սակայն պետական լիազոր մարմնի կողմից ոչ մի արձագանք չկա։
Լևոն Բաղդասարյանի կարծիքով՝ Արսեն Թորոսյանը բացահայտ օրենքից դուրս գործողություններ է իրականացնում՝ շաբաթներ շարունակ չհանձնարարելով ձևավորել համապատասխան բժշկական փուլ՝ Գրիգորյանի առողջական վիճակը գնահատելու համար։
Փաստաբանը նախարարին անձամբ չի հանդիպել, սակայն գրություն է ուղարկել․ «Այդտեղ նույնպես նա խախտել է օրենքի պահանջը՝ գոնե միջանկյալ պատասխան չուղարկելով արդեն երկու-երեք ամիս»։
Կարդացեք նաև
Փաստաբանի խոսքով՝ միջգերատեսչական հանձնաժողովների տված արդյունքները համադրելուց հետո պարզ է դառնում, որ Մանվել Գրիգորյանի առողջական վիճակն օր օրի վատանում է։ Ըստ փաստաբանի՝ իր պաշտպանյալի հիվանդությունների վատթարացման պատճառն ու հնարավոր արդյունքների կրողը համարվելու է Հայաստանի Հանրապետության կառավարությունը։
Հոդվածն ամբողջությամբ՝ սկզբնաղբյուր կայքում:
