«Լևադա-կենտրոնը» հարցում է անցկացրել Ռուսաստանի բնակիչների շրջանում՝ պարզելու համար նրանց վերաբերմունքը ընտանեկան բռնության և Խաչատուրյան քույրերի գործի նկատմամբ: Ինչպես հաղորդում է RBK-ն, հարցման մասնակիցների 41%-ը արդարացրել է Խաչատուրյան քույրերի արարքը, որոնք անցյալ տարի սպանել էին իրենց բռնության ենթարկած հորը:
Հատկանշական է, որ Խաչատուրյան քույրերին իրենց աջակցությունն են հայտնել հարցմանը մասնակցած կանանց ավելի քան 47%-ը, տղամարդկանց՝ շուրջ 33%-ը: «Լևադա-կենտրոն»-ի սոցիոլոգ Կարինա Պիպիան կարծում է, որ նման պատկերը պայմանավորված է այն հանգամանքով, որ կանայք ավելի հաճախ են բախվում բռնությանը, քան տղամարդիկ:
Հարցվածների 31%-ը չի արդարացրել քույրերի արարքը, ևս 30%-ը չի կողմնորոշվել պատասխանի հարցում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
