Կալիֆորնիայի Սենատը վավերացրել է Թուրքիայում ներդրումներն արգելող օրինագիծը (AB 1320): Օրինագծին կողմ է քվեարկել սենատի անդամներից 33-ը ձեռնպահ՝ 7-ը, դեմ ձայն չի եղել: Օրինագիծը պետք է վավերացվի նաև նահանգապետի կողմից՝ օրենքի ուժ ստանալու համար:
Օրինագիծը, որը ներկայացվել է Կալիֆորնիայի նահանգային օրենսդիր ասամբլեայի անդամ Ադրին Նազարյանի կողմից, արգելում է «Կալֆորնիայի պետական կենսաթոշակային համակարգին» (CalPERS) և «Կալֆորնիա նահանգի ուսուցիչների կենսաթոշակային համակարգին» (CalSTRS) նոր ներդրումներ կատարել կամ թարմացնել գոյություն ունեցող ներդրումները Թուրքիայի կառավարության կողմից թողարկվող և վերահսկվող արժեթղթերում, պարտատոմսերում՝Հայոց Ցեղասպանությունը պետական մակարդակով ժխտելու համար:
Ադրին Նազարյանի խոսքով՝ Կալիֆորնիան այս կերպ հստակ ուղերձ է հղում Թուրքիային՝ դադարեցնելու Ցեղասպանությունը ժխտելու նենգ արշավը:
CalPERS-ի և CalSTRS-ի անդամները կարող են սառեցնել ներդրումները միայն դաշնային կառավարության կողմից քայլեր ձեռնարկելուց հետո: Հատկանշական է նաև, որ ներդրումները պետք է սառեցվեն Թուրքիայի դեմ պատժամիջոցների հաստատումից հետո վեց ամսվա ընթացքում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
