ՀՀ ԱԺ-ում կառավարության հետ հարցուպատասխանի ընթացքում ՀՀ ԱԺ ԲՀԿ խմբակցության պատգամավոր Միքայել Մելքումյանը, խոսելով իրենց՝ Մեղրու տնտեսական գոտի այցից՝ արձանագրեց, որ չի գործում ԵԱՏՄ քվոտայով մեզ տրամադրված միակ ազատ տնտեսական գոտին: Նա հետաքրքրվեց տնտեսական գոտու հարակից հողերի ձեռքբերման խնդիրներով:
ՀՀ վարչապետ Նիկոլ Փաշինյանը պատասխանեց. «Ինչպես գիտեք անցյալ տարի ես այց կատարեցի Մեղրի և այցելություն ունեցա Մեղրու ազատ տնտեսական գոտի, որի արդյունքում պարզվեց, որ Մեղրու ազատ տնտեսական գոտին, ըստ էության, հողատարածք չունի: Այն ժամանակ, երբ որոշ պաշտոնյաներ տեղեկացել էին, որ դա լինելու է ազատ տնտեսական գոտի, կողքի հողերը սեփականաշնորհել էին: Փաստացի տարածք չկա այնտեղ գործունեություն ծավալելու: Այդ փաստից հետո սկսվեց հետաքննություն, հարուցվել է քրեական գործ, և դրանով ձեռք բերված ապացույցների հիման վրա սկսել է գործընթաց այդ հողերի ապօրինի սեփականաշնորհումը հետ շրջելու, որ ազատ տնտեսական գոտի դառնալու հնարավորություն լինի: Այդ հարցը դատարանի օրակարգում է: Կառավարությունն ու քննչական մարմինն իրենցից կախված ամեն ինչ արել են, որ արագ լուծում ստանա հարցը»:
Նիկոլ Փաշինյանը տեղեկացրեց՝ Մեղրու անցակետի արդիականացման շատ խոշոր ծրագիր կա: Վարչապետն ասաց, որ կարող է այդ նախագիծը տրամադրել ու նշեց, որ իրենց հաշվարկներով այդ նախագիծը հնարավոր կլինի իրականացնել 2023-ին:
Կարդացեք նաև
Տաթև ՀԱՐՈՒԹՅՈՒՆՅԱՆ
