Շրջակա միջավայրի նախարարությունը հրապարակել է ՀՀ վարչապետի հանձնարարականի հիման վրա իրականացված Ամուլսարին վերաբերող փաստաթղթերի եւ նոր ՇՄԱԳ կատարելու անհրաժեշտության մասին եզրակացությունը:
Նախարարությունը ներկայացնում է պետական կառավարման լիազոր մարմինների եւ ՀՀ ԳԱԱ-ի, էլարդ (Elard) եւ TRC ընկերությունների դիրքորոշումը «Լիդիան Արմենիայի» ՓԲԸ-ի փաստաթղթերի (այդ թվում՝ շրջակա միջավայրի վրա ազդեցության գնահատման հաշվետվության) վերաբերյալ: Նախարարությունն ուսումնասիրել է նաեւ «Լիդիան Արմենիա» ՓԲԸ-ի, Lydian Internatioanl LTD, Golder Associates, Glabal Resosrce engineering ընկերությունների պաշտոնական կայքերում տեղադրված նյութերը:
Ըստ եզրակացության՝ ՇՄԱԳ հաշվետվությամբ ամրագրված է, որ Արփա եւ Դարբ գետերի հոսքի պատմական տվյալներ հասանելի չեն, իսկ ծրագրի հարեւանությամբ Արփա գետի վրա, Կեչուտի ջրամբարից վերեւ ջրաչափական կայաններ չեն հայտնաբերվել: Արփա գետի վրա Կեչուտի ջրամբարից 4.0 կմ հոսանքով վերեւ 1957 թվականից առ այսօր գործում է ԱԻՆ Հիդրոօդերեւույթաբանության եւ մթնոլորտային երեւույթների վրա ակտիվ ներգործության ծառայություն ՊՈԱԿ-ի Արփա-Ջերմուկ հիդրոլոգիական դիտակետը: Համաձայն, այդ ՊՈԱԿ-ի տվյալների 2015-2018 թթ. կտրվածքով Ջերմուկի եւ Որոտանի լեռնանցք օդերեւույթաբանական կայաններում գրանցվել է դիտված վտանգավոր օդերեւույթաբանական երեւույթների ավելացում: Քանի որ ծրագրի տարածքն աչքի է ընկնում հորդառատ անձրեւներով, հետեւաբան անհրաժեշտ է հաշվարկել հանքի տարածքից ձեւավորվող՝ Կեչուտի ջրամբար թափվող «Պուճուր գետ» գետակի վտակի 0.1% ապահովվածության առավելագույն ելքերը:
Այդ անանուն վտակը սկիզբ է առնում դատարկ ապարների լցակույտի տարածքից եւ վարարման ընթացքում կարող է հանգեցնել ընդերքօգտագործման թափոններով Կեչուտի ջրամբարի աղտոտման:
Կարդացեք նաև
Շրջակա միջավայրի նախարարը հղում անելով եզրակացություններին եւ օրենքին, խնդրում է վարչապետի հանձնարարականը՝ բնապահպանության եւ ընդերքի տեսչական մարմնին իրականացնել ստուգումներ:
Մանրամասները՝ կից Ամուլսարի եզրակացություն
Պատրաստեց՝ Նելլի ԲԱԲԱՅԱՆԸ
