Գործընկերություն հանուն բաց հասարակության նախաձեռնության կազմակերպած «Հետհեղափոխական Հայաստան. Արդարադատության համակարգի վերափոխման խնդիրները» թեմայով քննարկման ժամանակ Բաց հասարակության հիմնադրամներ- Հայաստան կազմակերպության գործադիր տնօրեն Լարիսա Մինասյանն ասաց, որ հեղափոխությունը Հայաստանում կատարվեց արդարության, արդարադատության լոզունգներով, ոչ թե կոռուպցիոն գործընթացների, սոցիալական իրավիճակի կամ ընտրական գործընթացի արդյունքում:
«Արդարության դեֆիցիտը երեւի ամենամեծն էր»,- ասաց նա`հավելելով, որ հեղափոխությանը հետեւած արդար ընտրական գործընթացը բավարար չէ Հայաստանում արդարությունը վերականգնելու համար, պետք է «դեմոնտաժել արդարության հասանելիությունը սահմանափակող իրականությունը»:
Մանրամասները`տեսանյութում
Կարդացեք նաև
Մյուս կողմից, ըստ բանախոսի, մեկ տարի է ականատես ենք լինում տարբեր ցնցումների, որոնք չէին կարող չլինել, բայց դրանք չպետք է բերեն վստահության նվազման:
Նրա կարծիքով, հեղափոխությունը կատարվել էր մի երկրում, որտեղ միմյանց հանդեպ մարդկանց վստահությունը շատ ցածր էր, բայց մարդիկ համախմբվեցին եւ գնացին դրան`հանուն արդարության վերականգնման եւ հիմա, պետք է ամեն ինչ անել, որպեսզի մարդկանց վստահությունը չնվազի ու «ականները մեզ չուտեն»:
Նելլի ԳՐԻԳՈՐՅԱՆ
Հ. Գ. «Երկու կարեւոր բան, որ իսկապես բացառիկ է ապրիլյան հեղափոխության համար, բաց է թողնվում»,- Լարիսա Մինասյանի այս խոսքը նյութի սկզբնական տարբերակում ներկայացվել էր իբրեւ «հեղափոխության բացթողում»: Վրիպումի համար ներողություն ենք խնդրում:
