«Այո, մենք ունենք հաստատումներ, չունենք ինչ-որ արտառոց իրավիճակ հոկտեմբերի 1-ի գագաթաժողովի նախապատրաստման առումով»,- ՀՀ ԱԳՆ-ում հրավիրված մամուլի ասուլիսին խոսելով հոկտեմբերի 1-ին Երեւանում անցկացվելիք ԵԱՏՄ Բարձրագույն տնտեսական խորհրդի նիստի, մասնավորապես ՌԴ նախագահ Վլադիմիր Պուտինի այցի մասին, պարզաբանեց ՀՀ ԱԳ նախարար Զոհրաբ Մնացականյանը:
Նա տեղեկացրեց՝ այդ գագաթաժողովին մասնակցելու են ԵԱՏՄ անդամ պետությունների ղեկավարներ ու նշեց. «Սա մեր բոլորի միասնական որոշումն է: Դա մի հավաք է, որի նպատակն է միասին աշխատել, մեկ միավորի մեջ և ինտեգրացիոն գործընթացները խորացնել: Մենք սպասում ու նախապատրաստվում ենք այդ գագաթաժողովին»:
Այնուհետև՝ ամփոփելով ասաց. «ՀՀ և ՌԴ միջև մենք ունենք հստակ ձևավորված օրակարգ, և երկու կողմերի հստակ ցանկությունն է խորացնել երկկողմ հարաբերությունները»:
Տաթև ՀԱՐՈՒԹՅՈՒՆՅԱՆ
