Այսօր խորհրդարանում, ԱԺ արտաքին հարաբերությունների հանձնաժողովի նիստի ժամանակ ԲՀԿ խմբակցության պատգամավոր Տիգրան Ուրիխանյանը ԱԺ փոխարտգործնախարար Շավարշ Քոչարյանից հետաքրքրվեց` պաշտոնական Երեւանը կո՞ղմ էր ՀԱՊԿ-ում Բելառուսի թեկնածուին եւ եթե դեմ էինք, ի՞նչ հնարավորություն ունեցանք դա արտահայտելու:
Շավարշ Քոչարյանը պատասխանեց, որ Հայաստանը Բելառուսի թեկնածուի հետ կապված որեւէ խնդիր չի ունեցել. «Մենք ասել ենք, որ Հայաստանին հասանելիք ժամանակի ընթացքում ՀԱՊԿ նախագահությունը չպիտի անցնի Բելառուսին եւ դա չի եղել»:
Մանրամասները` տեսանյութում
Կարդացեք նաև
Հիշեցնենք, Հայաստանը ՀԱՊԿ-ում պետք է նախագահեր մինչեւ 2020 թվականը, սակայն, ՀԱՊԿ-ից Հայաստանի ներկայացուցիչ Յուրի Խաչատուրովին ետ կանչելուց հետո, այդ պաշտոնում Հայաստանը չկարողացավ այլ ներկայացուցիչ նշանակել: ՀԱՊԿ գլխավոր քարտուղարի պաշտոնում ժամանակավոր պաշտոնակատար նշանակվեց ՌԴ ներկայացուցիչը: Բելառուսի ջանքերը`անմիջապես ստանձնել ՀԱՊԿ-ուն նախագահությունը, ևս ապարդյուն անցան:
Նելլի ԳՐԻԳՈՐՅԱՆ
