Նոր սերնդի հաշվիչ դրամարկղային մեքենաներ չունեցող տնտեսվարողները վերջերս ահազանգում էին՝ ՊԵԿ-ն իրենց անտեղի տուգանում է, ՀԴՄ չեն կարողանում ձեռք բերել ՊԵԿ-ի պատճառով, չկան դրանք:
Ահազանգից հետո ՊԵԿ-ում շահագրգիռ կողմերի միջեւ քննարկում է եղել, ընդհանուր հայտարարի էին եկել՝ նման տնտեսվարողներին ավելի մեղմ կվերաբերվեն:
Այսօր կառավարության նիստից հետո ՊԵԿ նախագահ Դավիթ Անանյանը լրագրողների հետ ճեպազրույցում անդրադառնալով այս խնդրին՝ ասաց. «Նոր գրանցված բիզնեսներին, որոնք դեռ ՀԴՄ չունեն, ՊԵԿ-ը ձեռնպահ է մնում տուգանելուց»։ Անանյանն ասաց՝ ՊԵԿ-ն իրավունք չունի տեսուչներին հորդորել՝ ով ՀԴՄ չունի՝ չտուգանել. «Բայց իրավունք ունենք որոշակի հայեցողությամբ աշխատել եթե կա առաջնահերթություն»:
ՀԴՄ-ների ձեռքբերման եւ ներկրման ընթացակարգն ազատականացնելուց հետո խնդիրներ են առաջացել՝ ներկրողներ չկային: Այս ամիս, ըստ Անանյանի, արդեն մասնավոր կազմակերպություններից մեկը կներկրի ՀԴՄ-ների առաջին խմբաքանակը։ Այդ ՀԴՄ-ների գինը 100-120 հազար դրամ կլինի, կառավարությունը չի սուբսիդավորի մասնավորի ներկրած ՀԴՄ-ները:
Կարդացեք նաև
Մանրամասն՝ տեսանյութում
Ինչ վերաբերում է նոր սերնդի ՀԴՄ չունեցող տնտեսավարողներին տուգանելուն, ապա մեղմ մոտեցում կլինի, բայց ինչպես Անանյանն ասաց, նրանց ստուգելու են՝ մշտադիտարկում են անելու, պարզելու են օրեկան հասույթը:
Մանրամասն՝ տեսանյութում
Նելլի ԲԱԲԱՅԱՆ
