ՀՀ 2-րդ նախագահ Ռոբերտ Քոչարյանի գործով Սահմանադրական դատարանի որոշումը որոշակի յուրահատկություններ ունի, իրավաբանները ավելի ճիշտ մեկնաբանություններ կտան։ Այս մասին այսօր կառավարության նիստից հետո պատասխանելով Aravot.am-ի հարցին, ասաց վարչապետի մամուլի խոսնակ Վլադիմիր Կարապետյանը: Նրա դիտարկմամբ. «Կառավարությունն ի՞նչ պետք է անի։ Եթե դատարանի որոշումը վերաբերի գործադիրին, այդ ժամանակ հասկանալի կլիներ հարցը, բայց մենք անելիք չունենք»:
Aravot.am-ի այն դիտարկմանը՝ քաղաքական գործիչներն ու իրավապաշտպանները պնդում են՝ իշխանություններն ուշացել են, դատաիրավական համակարգում եթե ավելի շուտ եւ արագ լինեին բարեփոխումները, ՍԴ-ն նման որոշում չէր կայացնի, Կարապետյանն այսպես արձագանքեց. «Ավելի լավ կլիներ, եթե դատաիրավական համակարգի բարեփոխումները արագ տեղի ունենային։ Բայց հավատացնում ենք, որ շատ արագ ենք շարժվում առաջ»:
Մանրամասն՝ տեսանյութում
Կարդացեք նաև
Լրագրողների այն դիտարկմանը՝ ընդդիմադիրները հայտարարում են թեժ աշնան եւ նույնիսկ իշխանափոխության մասին, Կարապետյանը պատասխանեց՝ այդ հայտարարություններն ու մեկնաբանություններն անլուրջ են. «Եթե նայեք դուրս, կտեսնեք՝ ինչ է կատարվում: Ընդդիմությունը 20-ից ավելի մարդ չի կարողանում հավաքել: Իրականում այդքան էլ աջակից չունի»:
Նելլի ԲԱԲԱՅԱՆ
