Կառավարությունն ընդունել է որոշում, որով առաջարկվում է սահմանել ջրի անտնտեսվար կամ ոչ նպատակային կամ առանց ջրօգտագործման թույլտվության կամ ջրօգտագործման թույլտվությունից ավելի ջրային ռեսուրսների ջրառի իրականացման հետևանքով ջրային ռեսուրսների վրա տնտեսական ազդեցության գնահատման և դրա արդյունքում պատճառվող վնասի հաշվարկման հիմքերը, բանաձևը, ինչպես նաև տնտեսական ազդեցության գնահատման հաշվարկում օգտագործվող նոր չափաքանակները:
Արդյունքում՝ կհաշվարկվի նշված գործողությունների իրականացման հետևանքով բնությանը պատճառված վնասը: Ակնկալվում է նաև ջրային ռեսուրսների ջրառի իրականացման հետևանքով ջրային ռեսուրսների վրա տնտեսական ազդեցության գնահատման հաշվարկում օգտագործվող չափաքանակների նվազեցում:
Ներկայում ջրային ռեսուրսներից ապօրինի օգտվելու, այսինքն՝ ջրի անտնտեսվար կամ ոչ նպատակային կամ առանց ջրօգտագործման թույլտվության կամ ջրօգտագործման թույլտվությունից ավելի ջրային ռեսուրսների ջրառի իրականացման հետևանքով ջրային ռեսուրսների վրա տնտեսական ազդեցության գնահատման հաշվարկ օրենսդրությամբ սահմանված չէ, ինչի հետևանքով նշված գործողությունների իրականացման հետևանքով անձիք ենթարկվում են բացառապես վարչական պատասխանատվության:
ՀՀ կառավարության տեղեկատվության և հասարակայնության հետ կապերի վարչություն
