ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանն առայժմ ձեռնպահ է մնում կարծիք հայտնել երկրորդ նախագահ Ռոբերտ Քոչարյանի գործով ՍԴ որոշման մասին:
Հիշեցնենք, քիչ առաջ Սահմանադրական դատարանը մասամբ բավարարեց Ռոբերտ Քոչարյանի պաշտպանների դիմումը:
«Ես որոշումը ամբողջական որոշում եմ դիտարկում, հրապարակմանը չեմ հետեւել, մինչեւ ամբողջական չունենանք տեքստը՝ որեւէ եզրահանգում անել դժվար է»,- ասաց նա:
Aravot.am-ի հարցին`քանի որ կալանքի տակ պահելու մասով հոդվածը հակասահմանադրական է ճանաչվել, Ռոբերտ Քոչարյանն ազատ կարձակվի՞, Վլադիմիր Վարդանյանը պատասխանեց, որ այդ հարցերը պետք է տալ դատական իշխանությանը:
Կարդացեք նաև
Ի դեպ, ՍԴ որոշման հրապարակումից անմիջապես հետո «Իմ քայլի» շատ պատգամավորներ շտապեցին ԱԺ նախագահ Արարատ Միրզոյանի աշխատասենյակ: Այնտեղ խորհրդակցություն է: Դրան մասնակցում է նաեւ ԱԺ-ում գտնվող ՀՀ կրթության. Գիտության, մշակույթի եւ սպորտի նախարար Արայիկ Հարությունյանը:
Մանրամասները` տեսանյութում
Նելլի ԳՐԻԳՈՐՅԱՆ
