Այսօր առողջապահության նախարար Արսեն Թորոսյանի մամուլի ասուլիսը ընդհատվեց սկանդալային միջադեպով. նախարարը արյունաբանական կենտրոնում ասուլիսի ժամանակ նոր-նոր էր սկսել իր ծրագրերը ներկայացնել, դահլիճ մտավ նույն կենտրոնի մանկական քաղցկեղի եւ արյան հիվանդությունների կենտրոնի ղեկավար Գեւորգ Թամամյանը, որն օրեր առաջ հրաժարվել էր նախարարի խորհրդականի պաշտոնից:
Թամամյանը ներս մտավ եւ բարձր տոնով դիմեց նախարարին, ասելով՝ ես ուզում եմ հարցեր տալ: Թամամյանը խիստ բորբոքված էր: Նա թվարկեց 12 կետեր, որոնք առիթ են դարձել մեծ դժգոհությունների եւ նախարարի հետ անհամաձայնության:
Նախարար Թորոսյանը չլսեց Թամամյանի ներկայացրած խնդիրները, դուրս եկավ նիստերի դահլիճից:
Լրագրողներին հաջողվեց 1-2 հարց ուղղել Թորոսյանին: Մասնավորապես՝ ուռուցքաբանական կենտրոնի ղեկավար Արմեն Տանանյանին աշխատանքից ազատելու վերաբերյալ: Հարցին ի պատասխան Թորոսյանն ասաց, որ Տանանյանը խոչընդոտել է կենտրոնում միջազգային ընկերության ներդրումներին:
Կարդացեք նաև
Մանրամասն՝ տեսանյութում:
Նելլի ԲԱԲԱՅԱՆ
