Այսօր առողջապահության նախարար Արսեն Թորոսյանի եւ վարչապետ Նիկոլ Փաշինյանի աշխատանքային հանդիպման ժամանակ վարչապետը հետաքրքրվեց սրտի ստենտավորման ծրագրից։ Թորոսյանը հայտնեց, որ անցյալ տարի փոխել են դեղապատ ստենտը ոչ դեղապատով։
Նախարարի մեկնաբանմամբ՝ պացիենտներն իմանալով, որ ստենտը ոչ դեղապատ է, երբեմն հրաժարվել են, եւ իրենք են վճարել, սակայն, երբ իմացել են դեղապատ ստենտ է դրվում, չեն հրաժարվել։ Թորոսյանի տվյալներով, նախորդ տարվա յոթ ամիսների համեմատությամբ ունեն 32 % աճ։ Նախարարն ասաց, բուն տեղափոխման միջոցը էական չէ` շտապօգնությունով կտեղափոխեն, թե այլ ճանապարհով, էականը դիագնոզն է` սրտամկանի սուր ինֆարկտ ախտորոշումը։
Պարոն Թորոսյանն ասաց, որ մեկ փոփոխություն էլ են արել՝ կյանք փրկող այս ծրագիրը, որը եւս տասը տոկոսով պացիենտների թիվը կավելացնի։ Այն է սրտամկանի կողային պատի սուր վիճակը։ Նախարարի խոսքով, կան սուր վիճակներ, որ, եթե այդ պահին հիվանդը բուժօգնություն չստանա, հիվանդը կմահանա։
Վարչապետը հետաքրքրվեց` այսինքն տենց դեպք չի կարո՞ղ լինել, որ ասեն պետպատվերը փողը պրծել է, չենք կարող անել։ Թորոսյանն արձագանքեց՝ չի կարող նման բան լինել. «Բյուջետային պրոցեսը մեզ թույլ է տալիս, որ, եթե մինչև տարեվերջ որոշակի շեղումներ լինեն, մենք վերաբաշխումներով փակում ենք, մերժման որեւէ դեպք չի կարող լինել եւ չի էլ եղել»։ Նախարարն ասաց, որ վերջինը Վանաձորն է միացել այս ծրագրին եւ ոչ միայն Վանաձորից, այլև հարակից մարզերից ստենտավորման համար Երեւան գալու կարիք չկա։
Կարդացեք նաև
Այդուհանդերձ, նախարարը կոչ արեց չհասցնել սրտամկանի ինֆարկտի։ Թորոսյանը նաեւ հայտնեց, որ փետրվարից սրտի հետ կապված այլ թանկարժեք հետազոտություններ եւ բուժում են անցնում նպաստ ստացող 30 բալից ավել ունեցող քաղաքացիները։ Այս ծառայությունը հասանելի է 500 հազար քաղաքացու։
Նրանց թվում են առաջին եւ երկրորդ կարգի հաշմանդամություն ունեցողները, ժամկետային զինծառայողների ծնողները, զինհաշմադամություն ունեցողները եւ այլք։
Վարչապետի հարցին նախարարը պատասխանեց, որ զինծառայողների ծնողները ամենալայն ծառայություններով բուժօգնության ծրագրից կարող են օգտվել` եւ անհետաձգելի եւ պլանային բուժօգնության։
https://www.facebook.com/nikol.pashinyan/videos/2613953178636038/?notif_id=1567339799591705¬if_t=live_video_explicit
Լուսինե ԲՈւԴԱՂՅԱՆ
