ՀՀ տարածքային կառավարման և ենթակառուցվածքների նախարար Սուրեն Պապիկյանը Գյումրիում մեկ անգամ ևս վերահաստատեց մարզպետարաններում սպասվող օպտիմալացման մասին դեռևս տարեսկզբին արված իր հայտարարությունը։
«Օր չեմ կարող ասել, բայց սեպտեմբերի առաջին տասնօրյակում զեկուցելու եմ «Տարածքային կառավարման մասին» նոր օրենքը, որի՝ Ազգային ժողովի հաստատումից անմիջապես հետո մարզպետարաններում կսկսվի օպտիմալացման իմ խոստացած ծրագիրը, որն արդեն պատրաստ է։ Այնուամենայնիվ, դա կլինի օրենքին համապատասխան, այսինքն՝մարդիկ երկու ամիս առաջ կծանուցվեն դրա մասին և արդեն մրցութային կարգով կհամալրվի նոր հաստիքացուցակը, համապատասխան տվյալ մարզի իրական պահանջներին»,-ասաց նախարարը։
Հիշեցնենք, որ ըստ օպտիմալացման ծրագրի, 30 տոկոս կրճատումներ են սպասվում։ Նախարարի՝ օպտիմալացման ծրագրի վերհիշեցումից հետո սթրեսային իրավիճակ է ստեղծվել Շիրակի մարզպետարանի աշխատակիցներից շատերի մոտ։
Կարդացեք նաև
Նունե ԱՐԵՎՇԱՏՅԱՆ
