ԱԺ նախկին ՀՀԿ-ական պատգամավոր Մուրադ Մուրադյանը պնդում է, որ համացանցում հայտնված տեսանյութը, որտեղ իր որդին հայհոյում է ոստիկաններին, հրահրված միջադեպի արդյունք է:
https://www.facebook.com/asekose.am/videos/1216104888562169/?v=1216104888562169
«Եթե մոտիկից իմանայիք՝ ինչ է կատարվել, ուղղակի կզարմանաք, ինչ ցույց են տվել, 99 տոկոսը, բացի հայհոյանքներից, որ ինքը տվել է, մնացած ոչ մի բանից ինքը տեղյակ չէ. ցավալի է, հետո ես սաղ կանդրադառնամ»,- Aravot.am-ին ասաց Մուրադ Մուրադյանը: Նա վստահեցրեց, որ իր որդուն ոստիկանները սադրել են ու դրդել նման պահվածքի. «Ես չեմ ասում՝ ինքը հայհոյանք չի տվել, բայց թող ասեն՝ մարդուն ինչին են դրդել, ինչ են արել գլխին, բարի լինեն, թող ճիշտը ասեն»:
Նա չցանկացավ ասել, թե ինչ են, իր իսկ խոսքերով, որդու գլխին արել, միայն ասաց. «Կգա ժամանակը, հեռուստացույցով կասեմ, արխային, չիմանաք, թե ամեն մեկը հելել, իրեն դրել է բանի տեղ, վիստուպատ է լինում, թե հայհոյեց: Մարդուն տարել են՝ էն վիճակի մեջ են հասցրել, կամ ինքը մեկին խփե՞լ է, կամ դատարանը ինչի պետք է բաց չթողներ, բերել են մի հատ միլիցա, ասում է՝ տեսել եմ, որ ինքը խփել է, ասում եմ՝ դե էդ անձին բերեք, էդ անձը չկա, ո՞ւմ է խփել… ամոթ էլ էր, որ էդ տարան դատարան: Շատ բան ունեմ ասելու, էն որ ամեն մարդ հելնում, իր հերթին էշ-էշ դուրս է տալիս, թող բարի լինեն իրականությունն իմանան, նոր էշ-էշ դուրս տան»:
Կարդացեք նաև
Հիշեցնենք, որ նախօրեին քննիչը Մուրադ Մուրադյանի որդուն՝ Նվեր Մուրադյանին կալանավորելու միջնորդություն էր ներկայացրել դատարան, ինչը մերժվեց: Ն. Մուրադյանի նկատմամբ քրեական գործ է հարուցվել ՀՀ քր. օր-ի 258 հոդվածի 1-ին և 258 հոդվածի 3-րդ մասի հատկանիշներով:
Արփինե ՍԻՄՈՆՅԱՆ
