Օգոստոսի 29-ին Երևանի ընդհանուր իրավասության դատարանում (նախագահող դատավոր Ռոբերտ Պապոյան) տեղի ունեցավ Մասիսի քաղաքապետի և մյուսների գործով դատական նիստը: Այն հետաձգվեց, քանի որ կային չծանուցված տուժողներ:
Aravot.am-ի հետ զրույցում Մասիսի քաղաքապետ Դավիթ Համբարձումյանի փաստաբան Տիգրան Աթանեսյանը տեղեկացրեց՝ հաջորդ դատական նիստը նշանակված է սեպտեմբերի 12-ին՝ ժամը 11.30-ին:
Փաստաբանն ասաց, որ այս գործով իր դիրքորոշումը մնում է նույնը. «Սա համացանցային մանիպուլյացիա է, այլ ոչ թե քրեական գործ»:
Մեր դիտարկմանը՝ բավականին մեծ թվով մարդկանց է մեղադրանք առաջադրվել, կարծում եք բոլորի դեպքում էլ մանիպուլյացիա՞ է, Տիգրան Աթանեսյանը պատասխանեց. «99 տոկոսով գործն անհիմն է ու նկարած»:
Կարդացեք նաև
Հիշեցնենք՝ Մասիսի քաղաքապետ Դավիթ Համբարձումյանին մեղադրանք է առաջադրվել՝ ՀՀ քրեական օրենսգրքի 225-րդ հոդվածի 1-ին և 2-րդ մասերով և ՀՀ քրեական օրենսգրքի 258-րդ հոդվածի 4-րդ մասով, ՝ Գոռ Համբարձումյանին՝ ՀՀ քրեական օրենսգրքի 258-րդ հոդվածի 3-րդ մասի 1-ին կետով (2 դրվագ) և ՀՀ քրեական օրենսգրքի 258-րդ հոդվածի 4-րդ մասով:
Տաթև ՀԱՐՈՒԹՅՈՒՆՅԱՆ
