Մարդու իրավունքների եվրոպական դատարանը որոշել է, որ Ռուսաստանը խախտել է բրիտանական Hermitage Capital ներդրումային ֆոնդի իրավաբան Սերգեյ Մագնիտսկու իրավունքները, որը մահացել էր 2009թ. «Մատրոսսկայա տիշինա» բանտում: Ըստ ՄԻԵԴ որոշման՝ Ռուսաստանը պետք է հայցվորին վճարի 34 հազար եվրո, հաղորդում է BBC-ն:
Առաջին հայցը ՄԻԵԴ-ին ուղարկվել էր հենց Մագնիտսկու կողմից իր մահից մի քանի ամիս առաջ, իսկ հետո քննությունը շարունակել են նրա կինը և մայրը:
Ստրասբուրգի դատարանը որոշել է, որ Ռուսաստանի իշխանությունները խախտել են նրա կյանքի և արդար դատավարության իրավունքը և չեն ապահովել մահվան պատճառների արդյունավետ քննություն:
Միաժամանակ, դատարանն անընդունելի է համարել հայցվորի բողոքը՝ կապված Մագնիտսկու պահման պայմանների և կալանքի տևողության հետ:
Կարդացեք նաև
Սերգեյ Մագնիտսկին Ռուսաստանի բանտում հայտնվել էր 2008թ.: Նա կասկածվում էր Hermitage Capital ներդրումային ֆոնդի ղեկավարին հարկերից խուսափելուն օգնելու մեջ:
Մագնիտսկին ինքը պնդում էր, որ օգնել է բացահայտել խարդախությունների սխեմա, որոնք թույլ են տվել ՆԳՆ բարձրաստիճան պաշտոնյաներին Ռուսաստանի բյուջեից միջոցներ դուրս բերել արտասահման: Ըստ նրա գնահատականի՝ նման ձևով գողացել են 5.4 մլրդ ռուբլի:
2009թ. նոյեմբերին Մագնիտսկին մահացել է բանտում:
Պատրաստեց՝ Վիկտորյա ԱՆԴՐԵԱՍՅԱՆԸ
