Ռուսաստանի նախագահ Վլադիմիր Պուտինը և Ֆրանսիայի նախագահ Էմանուել Մակրոնը մի շարք հարցերի շարքում քննարկել են նաև Լեռնային Ղարաբաղի հարցը: Այս մասին հայտարարել է Ռուսաստանի նախագահի մամուլի խոսնակ Դմիտրի Պեսկովը:
Բանակցությունների բովանդակության վերաբերյալ Կրեմլի խոսնակը մանրամասներ չի հայտնել՝ նշելով, որ դրանք եղել են հագեցած, կառուցողական և վստահության վրա հիմնված:
Հանդիպումը տեղի է ունեցել Ֆրանսիայում՝ նախագահի ամառային նստավայրում՝ Բրեգանսոնում: Հանդիպումը տևել է 3.5 ժամ:
Կողմերը քննարկել են ինչպես երկկողմ, այնպես էլ միջազգային օրակարգի հարցեր, այդ թվում Լեռնային Ղարաբաղում, Սիրիայում և Բալկաններում տիրող իրավիճակը: Պեսկովը, սակայն, նշել է, որ բանակցությունների դրական բնույթը դեռ չի նշանակում, որ Մակրոնի և Պուտինի դիրքորոշումները համընկնում են բոլոր հարցերում:
Կարդացեք նաև
«Նրանք բավականին հետևողականորեն քաղաքական կամք են ցուցաբերել քննարկել բոլոր պահերը՝ և այնպիսիք, որոնցում կան կարծիքների համընկնում, և՛ այնպիսիք, որոնցում կան տարաձայնություններ»,- ասել է Կրեմլի ներկայացուցիչը:
https://www.youtube.com/watch?v=4amhdsZHxhM
Պատրաստեց՝ Վիկտորյա ԱՆԴՐԵԱՍՅԱՆԸ
