«Էդ Ստամբուլյան կոնվենցիա է, թե ինչ է՝ նախ էդ հակասահմանադրական օրենք է: Մեր Սահմանադրության մեջ գրած է, որ ես էս տան պապան եմ, իմ կնիկն էլ մաման է»,- այսօր ԱԺ նախկին պատգամավոր, գեներալ-մայոր Սեյրան Սարոյանը Էջմիածնում իր տանը հրավիրած ասուլիսում այսպես անդրադարձավ հասարակության շրջանում քննարկվող թեմաներին, նույնիսկ՝ Ստամբուլյան կոնվենցիային:
Նրա խոսքով՝ «Իմ տղերքը պապա էլ ունեն, մամա էլ ունեն. հիմա սրանք ուզում են մնդռեն էս ամեն ինչը»: Սարոյանն ասաց. «Այսինքն, պատկերացնո՞ւմ ես, երկու տղա ունենան, ասեն՝ պապան եկավ, պապա- 1, պապա-2: Պապան պիտի էթա երեխա վերցի պահի, կամ երկու մամաներ, լավ, էդ ի՞նչ է արա, խայտառակ չենք»: Լրագրողները հիշեցրին՝ ձեր իշխանությունն է ստորագրել այդ ամեն ինչը՝ Սարոյանը պատասխանեց. «Տո ղալաթ ենք արել, որ ստորագրել ենք»:
Ճշտեցին՝ այսինքն, կարծում եք, այս օրենքը միասեռականների համա՞ր է՝ Սարոյանը պատասխանեց. «Արա, թող թո ապրեն իրանց համար, ո՞վ է խանգարել: Որ ասենք՝ հանգիստ ապրել են էսքան վախտ, ո՞վ է խանգարել դրանց, անպայման պիտի է՞ս էլ հարամենք, տունն էլ, ընտանի՞քն էլ հարամենք, է հետո՞: Եվրոպացին սենց ասեց՝ տո ջայնամ չասեց, խո պլեն չե՞նք դրանց ձեռը»:
Սարոյանն ասաց, որ ԱԺ-ն չպետք է վավերացնի այդ կոնվենցիան ու Նիկոլ Փաշինյանին ճանաչելով՝ համոզված է, որ նա չի թողնի դա վավերացվի:
Կարդացեք նաև
Հռիփսիմե ՋԵԲԵՋՅԱՆ
Լուսանկարը՝ Գայանե Սարիբեկյանի
