Դասագրքերի հնարավոր վերախմբագրման համար վեց հոգանոց աշխատանքային խումբ է ձևավորվել։ Այդ մասին այսօր նշեց Կրթության, գիտության, մշակույթի և սպորտի փոխնախարար Լուսինե Առաքելյանը։
Նա, ինչպես նաեւ Գիտությունների ազգային ակադեմիայի պատմության ինստիտուտի տնօրեն Աշոտ Մելքոնյանը, պատմաբան Էդիկ Գևորգյանը, ԵՊՀ առընթեր Ա. Շահինյանի անվան ֆիզիկամաթեմատիկական դպրոցի պատմության ուսուցիչ Տաթև Սարդարյանն անդրադառնում են պատմության դասագրքերի վերախմբագրման հարցին։
Բովանդակային առումով, ըստ փոխնախարարի, փոփոխություններ չեն նախատեսվում։
Անդրադառնալով 2008 թվականի ընտրությունների, մարտիմեկյան իրադարձությունների վերաբերյալ պատմության դասագրքերի շարադրմանը՝ պատմության ինստիտուտի տնօրենն ասաց, որ չի կարելի ամբողջ պատասխանատվությունը դնել պատմաբանների վրա, և որ հեղինակները նշել են, այդ տարիներին իշխանությունների նկատմամբ ժողովրդի մի մասի անվստահության մասին։
Էդիկ Գևորգյանն իր հերթին նշեց, որ ՀՀ նորագույն պատմությունը շարադրել է սկզբնաղբյուրների հիման վրա։
Առավել մանրամասն՝ սկզբնաղբյուր կայքում:
