«Ես տեղ, դեպք եւ ժամանակ չեմ ասում». Հովհաննիսյանի խոսքով՝ զինված ուժերն իր առօրյա աշխատանքով է զբաղվում
Ինչպես ավելի վաղ հայտնել էինք, ԱԺ նախագահ Արարատ Միրզոյանը հայտարարել է՝ Տավուշի սահմանամերձ Չինարին այլեւս չի կարող գնդակոծվել հակառակորդի կողմից:
Ռազմական եւ քաղաքական հարցերի մեկնաբան Արթուր Եղիազարյանն էլ պնդում է՝ դա ապատեղեկատվություն է. ըստ նրա՝ հայկական կողմն ունի դիրքային բարելավում, բայց դա չի նշանակում, թե գյուղն այլեւս զերծ է գնդակոծությունից:
Իրավիճակի առնչությամբ ՀՀ ՊՆ մամուլի խոսնակ Արծրուն Հովհաննիսյանն Aravot.am-ի հետ զրույցում շեշտեց. «Եթե անգամ հարցը ձեւակերպեք Չինարիի առնչությամբ, ես նույն պատասխանն եմ տալու՝ ես տեղ, դեպք եւ ժամանակ չեմ ասում»:
Կարդացեք նաև
Հովհաննիսյանի խոսքով՝ զինված ուժերն իր առօրյա աշխատանքով է զբաղվում. «Եվ դիրքերի բարելավումը մշտական գործընթաց է՝ տարբեր հատվածներում»:
Լուիզա ՍՈՒՔԻԱՍՅԱՆ
