Մոտ օրերին օդի ջերմաստիճանը նորմայից բարձր կլինի 3-4 աստիճանով, կդիտվի նաև առանց տեղումների եղանակ։ Պատճառն Իրաքից հանրապետության տարածք թափանցող տաք հոսանքներն են։ Օդերևութաբանական ծառայության պետ Գագիկ Սուրենյանն ասում է, որ 3 ժամը մեկ դիտարկումները թարմանում են՝ դրանք հնարավոր է տեսնել պատկերով։
«Տաք հոսանքները բարձրանում են Նախիջևանով, Արարատյան դաշտով և ներխուժում դեպի մեր հանրապետության տարածք։ Այսօր, մենք իրոք ունենք ջերմաստիճանի բարձրացում՝ երեկվա հետ համեմատած։ Ալիքը հետո որոշակիորեն կթուլանա մի փոքր։ Ջերմաստիճանը կիջնի օգոստոսի 17-ից հետո, բայց, այնուամենայնիվ, առաջիկա 5-6 օրերին մեր հանրապետությունում նորմայից բարձր ջերմային ֆոն է կանխատեսվում»,- «Ա1+»-ին ասաց ՀՀ ԱԻՆ օդերևութաբանական ծառայության պետ Գագիկ Սուրենյանը
Հակառակ պատկերն է հարևան Վրաստանում։ Այստեղ տաք և սառը հոսանքները միախառնվում են հենց սևծովյան հատվածում։
«Դրա արդյունքում այստեղ խիստ անբարենպաստ եղանակային պայմաններ կլինեն․5-6 օր՝ հորդառատ անձրևներ և քամիներ»,-նշում է Գագիկ Սուրենյանը։
Կարդացեք նաև
Մանրամասներին կարող եք ծանոթանալ «Ա1+»-ի կայքում:
