«Ես 24 տարեկանում եմ դարձել դատավորի թեկնածու, նշանակվել` 25-ում։ Տարիքային շեմն իջեցնելու մեջ որեւէ խնդիր չեմ տեսնում եւ գտնում եմ, որ դատավորների հատկանիշները վերջնարդյունքում պետք է գնահատի ՀՀ բարձրագույն դատական խորհուրդը»,-լրագրողների հետ զրույցում այսօր անդրադառնալով փաստին, որ Դատական օրենսգրքի փոփոխությունների նախագծով առաջարկվում է դատավորների թեկնածուների տարիքային շեմը 28-ից իջեցնել 25-ի, ասաց Վերաքննիչ քրեական դատարանի դատավոր Անդրանիկ Մնացականյանը։
«Իսկ բարեվարքության կանոններին դատավորի բոլոր թեկնածուներն էլ ենթարկվում են, ներկայացնում գույքի մասին հայտարարագրերը»,-ընդգծեց դատավորը։
Նա նշեց` կողմ է դատաիրավական համակարգի բոլոր այն բարեփոխումներին, որոնք օրենքի եւ սահմանադրության շրջանակում են։
Հիշեցնենք, որ այսօր պետք է կայանար ՀՀ երկրորդ նախագահ Ռոբերտ Քոչարյանի նկատմամբ քրեական հետապնդումն անձեռնմխելիության հիմքով չդադարեցնելու դեմ պաշտպանական կողմի բողոքի քննությունը, որը նախագահելու էր Անդրանիկ Մնացականյանը, սակայն բողոքի քննությունը չկայացավ։ Դատավորը եկել էր մասնակցելու դատավորների ընդհանուր ժողովին, որն էլ չկայացավ` քվորում չլինելու պատճառով։
Կարդացեք նաև
https://www.facebook.com/aravot.am/videos/2412509059034830/
Լուիզա ՍՈՒՔԻԱՍՅԱՆ
