Պոլսահայ երգչուհի Մարալ Այվազը ս.թ. հունիսի 21-ին Ստամբուլում «Մարալի պես» խորագրով իր առաջին ալբոմը հանդիսատեսի դատին հանձնելուց հետո, այս օրերին գտնվում է Հայաստանում։
Մարալը, ով 3-րդ անգամն է այցելում Հայաստան, Ermenihaber.am-ի հետ զրույցում խոսել է իր ապագա ծրագրերի մասին։
Պատասխանելով այն հարցին, թե արդյոք հայկական ինքնության պատճառով իր գործունեության ընթացքում Թուրքիայում որևէ խոչընդոտի չի հանդիպում՝ երգչուհին պատասխանեց.
«Նախկինում Թուրքիայում հայկական երգերի ալբոմ թողարկելը շատ դժվար էր. ոչ միայն հայերեն, քրդերեն երգերի հանդեպ էլ կարծես արգելանք կար։ Սակայն վերջին 10-20 տարիների ընթացքում իրավիճակը փոխվել է, և ազգային փոքրամասնության ներկայացուցիչ արվեստագետները ազատորեն կարողանում են գործունեություն ծավալել։ Ես նույնպես որևէ խոչընդոտի չեմ հանդիպել։ Թուրքիայում հասարակության շրջանում ազգային փոքրամասնությունների լեզուներով երգերի նկատմամբ հետաքրքրություն կա»։
Կարդացեք նաև
Պատմելով Հայաստանի հանդեպ ունեցած իր սիրո մասին Մարալը նշեց, որ այցերի ընթացքում շրջում է տեսարժան վայրերով, սակայն առավել շատ սիրում է լինել մայրաքաղաքում. «Հայաստանը շատ եմ սիրում, հատկապես Երևանը։ Երևանը իմ համար յուրահատուկ վայր է։ Երևանի փողոցներով քայլելիս կարծես շունչս բացվում է։ Այստեղ զբոսնելիս ներսս լցվում է աննկարագրելի խաղաղությամբ։ Մեր մշակույթը շատ գեղեցիկ ձևով է ներկայացվում և պահպանվում։ Առհասարակ, Հայաստանում մշակույթին, արվեստին մեծ ուշադրություն է ցուցաբերվում»։
Էլեն Քոքչյան
Հարցազրույցն ամբողջությամբ՝ սկզբնաղբյուր կայքում
Իմ շունչը կտրւում է փոշուց ու ծխից, իսկ Մարալն ասում է շունչս բացւում է։