Ադրբեջանի ԱԳՆ-ն նամակներով դիմել է ՄԱԿ-ի գլխավոր քարտուղարին և ԵԱՀԿ նախագահին, ինչպես նաև ԵԱՀԿ Մինսկի խմբի համանախագահող երկրների արտգործնախարարներին և բոլոր մյուս անդամներին՝ մտահոգություն հայտնելով Հայաստանի վարչապետ Նիկոլ Փաշինյանի՝ Ստեփանակերտում արված այն հայտարարության հետ, որ «Արցախը Հայաստան է»:
«Ադրբեջանական կողմը, հիշեցնելով Լեռնային Ղարաբաղի հակամարտության շուրջ հայ-ադրբեջանական կարգավորման բացակայության … ծանրագույն հետևանքների մասին ՝ Հայաստանի վարչապետի վերջին հայտարարությունը դիտարկում է որպես «կարմիր գիծն» անցնել, որի հետևում կանգնած է իրավիճակի էլ ավելի սրում»,- հայտարարել է Ադրբեջանի ԱԳՆ մամուլի քարտուղար Լեյլա Աբդուլլաևան:
Հիշեցնենք, օրերս Ստեփանակերտում տեղի ունեցած համահայկական խաղերի բացմանը Հայաստանի վարչապետ Նիկոլ Փաշինյանն իր ելույթում հայտարարեց, որ «Արցախը Հայաստան է և վերջ»: Ավելի ուշ նույն մոտեցումն արտահայտել է նաև Հայաստանի արտգործնախարար Զոհրաբ Մնացականյանը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
