ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանի մամլո հաղորդագրությանը՝ որսի թույլտվության տրամադրման կարգի փոփոխությունների վերաբերյալ։
Սիրելի՛ քաղաքացիներ,
Ի պաշտպանություն որսով զբաղվող քաղաքացիների իրավունքների, երկու օր առաջ՝ օգոստոսի 13-ին, դիմել եմ ՀՀ շրջակա միջավայրի պաշտպանության նախարար Էրիկ Գրիգորյանին։
Կարդացեք նաև
Իմ կողմից բազմակողմանիորեն հիմնավորվել է որսի թույլտվության տրամադրման փոփոխությունների անընդունելիությունը և վտանգավորությունը։
Մասնավորապես՝
Մի կողմից 7,5 անգամ լիցենզիայի արժեքն է ավելացել, 3,5 անգամ էլ որսով զբաղվելու օրերի քանակն է պակասել։
Մյուս կողմից, որոշումը հղի է բազմաթիվ վտանգներով, քանի որ շաբաթական 7 օր որս անելու փոխարեն միայն հանգստյան օրերին որս թույլատրելով` համապատասխան վայրերում որսորդների և մեքենաների կուտակումը բազմապատկվելու է։ Եվ հաշվի առնելով այն հանգամանքը, որ տարեկան մի քանի տասնյակ հազար արտոնագիր է տրվում որսի համար, ակնհայտ է դառնում, որ անվտանգության ապահովումը մեծ խնդիր է դառնալու հանգստյան օրերին։
Եղանակային պայմաններն էլ ամբողջ շաբաթ կարող են բարենպաստ լինել, իսկ հանգստյան օրերին՝ ոչ։
Որոշումը խտրական է այն անձանց համար, ովքեր աշխատում են միայն կամ նաև հանգստյան օրերին:
Ի վերջո, որսի սեզոնին չվող թռչուններին չորսալու դեպքում նրանք չվում են այլ երկրներ, որտեղ նրանց որսում են սահմանված կարգով, մինչդեռ նրանց կարելի է որսալ Հայաստանում և ունենալ համապատասխան եկամուտներ։
Հաշվի առնելով վերոշարադրյալը՝ առաջարկել եմ որսի արտոնագրի տրամադրման գործող կարգը թողնել անփոփոխ:
Սպասենք նախարարի որոշմանը ․․․
