ԱՄՆ-ը պատժամիջոցներ է սահմանել հայկական երկու ընկերությունների նկատմամբ: Այս մասին ասվում է ԱՄՆ Դաշնային ռեեստրի կայքում տեղադրված նախնական փաստաթղթում:
Մասնավորապես, պատժամիջոցների տակ է հայտնվել «Երևանի գիտահետազոտական ինստիտուտ» ՓԲԸ-ն (ԵրԿՄԳՀԻ) և «Մարկել» ՓԲԸ-ն:
Փաստաթղթում նշվում է, որ պատժամիջոցներ սահմանելու պատճառն այն է, որ ԵրԿՄԳՀԻ-ն ստացել և վերաարտահանել է ապրանքներ ԱՄՆ արդյունաբերության և անվտանգության բյուրոյի «Առևտրային վերահսկողության ցուցակից»՝ առանց անհրաժեշտ արտոնագրի, իսկ անձը, որը ԵրԿՄԳՀԻ-ի գործադիր տնօրենն է և «Մարկելի» նախագահը, բիզնես է վարում ԱՄՆ պատժամիջոցների տակ գտնվող իրանական կազմակերպության հետ:
Պատժամիջոցների տակ, բացի հայկական ընկերություններից, հայտնվել են ընկերություններ Չինաստանից, Վրաստանից, Ռուսաստանից, Բելգիայից, Կանադայից, Հոնկոնգից, Մալայզիայից, Նիդերլանդներից, Միացյալ Արաբական Էմիրություններից և Մեծ Բրիտանիայից:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
