Դեռեւս հունիսի 26-ին Ռոբերտ Քոչարյանի պաշտպանական թիմը ներկայացվել էր միջնորդություն՝ նրան գրավով կալանքից ազատելու մասին, որը, սակայն, մինչեւ օրս չի քննվել: «Ըստ օրենքի՝ նման միջնորդությունները քննվում են ստանալուց հետո՝ անմիջապես: Այսօր օգոստոսի 14-ին է, բայց խախտելով ներպետական օրենքի պահանջը՝ դատարանը մեր միջնորդությունը դեռեւս չի քննել: Արդեն դիմել ենք ՄԻԵԴ: Սա 7-րդ գանգատն է՝ արդարադատություն իրականացնելուց հրաժարվելու դրվագով»,-«Sputnik Արմենիա»-ում լրագրողների հետ հանդիպմանն այսօր հայտարարեց Մարտի 1-ի գործով ՀՀ սահմանադրական կարգի տապալման համար մեղադրվող ՀՀ երկրորդ նախագահ Ռոբերտ Քոչարյանի շահերի պաշտպան, փաստաբան Հայկ Ալումյանը:
Նրա խոսքով՝ առաջին ատյանի դատարանը պատճառաբանում է, որ Դավիթ Գրիգորյանն այլեւս չի կարող քննել միջնորդությունը, քանի որ նրա լիազորությունները ժամանակավորապես կասեցված են, իսկ մեկ այլ դատավորի գործը դեռեւս մակագրված չէ. «Սա օրենքից եւ Եվրոպական կոնվենցիայից չբխող պատճառաբանություն է, եւ շուտով կլսենք ՄԻԵԴ-ի տեսակետն այս հարցի վերաբերյալ»:
Հիշեցնենք, որ Քոչարյանի գործքը քննած եւ լիազորությունները կասեցված Դավիթ Գրիգորյանի հանդեպ քրեական հետապնդում է իրականացվում:
Այլ մանրամասները՝ տեսանյութում
Կարդացեք նաև
https://www.facebook.com/aravot.am/videos/2422169808002186/
Լուիզա ՍՈՒՔԻԱՍՅԱՆ
