Հակադոպինգային կանոնները խախտելու համար ռուսաստանցի հինգ ծանրորդներ՝ Դավիթ Բեջանյանը, Ռուսլան Ալբեկովը, Օլեգ Չենը, Եգոր Կլիմոնովը եւ Տիմա Տուրիեւան, ժամանակավորապես հեռացվել են մրցումներից: Այս մասին տեղեկացնում է ТАСС գործակալությունը՝ հղում անելով Ծանրամարտի միջազգային ֆեդերացիայի մամուլի ծառայությանը:
Ժամանակավոր հեռացումը հաշվվում է 2019 թվականի օգոստոսի 12-ից: Հեռացման ժամանակաընթացքում յուրաքանչյուր մարզիկի գործով առանձին հետաքննություն է անցկացվելու: Եթե պարզվի, որ մարզիկը հակադոպինգային կանոնները չի խախտել, IWF-ն հանդես կգա առանձին հայտարարությամբ:
Աշոտ ՀԱԿՈԲՅԱՆ
